無綫台慶|張秀文公布婚訊後首亮相 對生B隨緣 擬斟茶畀媒人Bob (20:47)

文章日期:2021年11月19日

34歲張秀文日前宣布結婚,未婚夫是金融才俊王大權(Billy)。今晚張秀文僅身穿露背晚亮相台慶紅地氈,打扮未算性感,今次亦是她宣布婚訊後首度公開亮相,問到幾時好日子?她說:「暫時未決定,好想等疫情緩和啲,擺酒再熱鬧啲。(註冊?)都安排緊,都係明年,不過今日返公司,好多同事都恭喜我,好開心得到大家祝福。(未婚夫不批准性感打扮?)唔係,我同未婚夫相敬如賓,只不過自己近年拍劇想轉型,最近比較忙,冇時間準備衫。(是否雙喜臨門?)真係唔係,唔係有咗兩個半月唔講得嗰啲。(是否隨時生B?)隨緣啦,驚計劃太多反而緊張。」

相關新聞:34歲張秀文宣布嫁金融才俊王大權 感謝金牌媒人林盛斌

談到林盛斌(Bob)做媒人成功扯紅線,問到如何報答對方?她說:「呢樣嘢要等未婚夫同家人商量,自己有提出過斟茶畀Bob飲,到時睇下佢想唔想飲,留一個時段畀佢致辭,發揮佢金牌媒人本色,佢有成功個案,亦有失敗個案,佢唔笠亂幫人扯紅線,都係睇緣分。」

相關新聞:無綫台慶|炎明熹對身材冇信心 未敢挑戰性感造型

相關新聞:無綫台慶|陳自瑤盡豐胸代言人責任 超性感打扮行紅地氈

相關新聞:無綫台慶|TVB小花紅地氈鬥性感 劉穎鏇拉丁舞孃撼高衩葉蒨文

(即時娛樂)