闊別5年再出碟 容祖兒舉行新碟首唱會 喊住唱《明天見》 (17:21)

文章日期:2021年11月25日

闊別5年,容祖兒推出全新廣東專輯《薛丁格的貓Schrodinger's Cat》,為答謝歌迷支持,祖兒昨晚(24日)舉行網上新碟首唱會,除了唱盡碟內全部歌曲,場景燈光道具佈置等亦不惜工本、樂隊編排一絲不苟,1小時的首唱會,祖兒轉了4個造型,獲網民讚誠意十足。

祖兒表示這個首唱會,可以滿足及達成她的心願,她說:「由2018年開始做呢張唱片,其實好多首歌都係我當時心裏面想講嘅嘢。」

她稱仍然十分珍惜可以推出實體唱片的機會:「今次呢張唱片裏面,每一首歌都記載咗好多我心裏面想講嘅嘢,如果你叫我去講好多大條道理,真係唔係好識,好多時候都係憑直覺諗到就做,所以我會比較鍾意唱歌,因為唱歌可以抒發我嘅感覺,嚟得比較自在。」

她又特別提到《明天見》是2018年,為當時一位剛過世的化妝師好友而創作,但因為疫情關係,對象已變成很多個,她說:「因為疫情嘅關係,好多時候都要分隔兩地,同我嘅屋企人、好朋友或者同一啲關係好好嘅同事、我嘅歌迷,都未必能夠好似以前咁成日可以見面,但係我好相信我哋好快可以明天見,亦都好希望再見面嘅時候,我哋可以更好。」首唱會最後除了播出祖兒跟歌迷的互動,更有她為這場首唱會綵排《明天見》片段,只見她邊唱邊哭,場面感動。

首唱會完結後,祖兒繼續來一個「After Party」,立即開Ig Live,好友蔡卓妍(阿Sa)為她擔任客席主持,期間阿Sa為祖兒整理頭髮,又留意她上鏡角度及位置,儼如直播導演,十分稱職。

直播期間,只見祖兒面紅紅,有網民即問:「你飲咗酒?」祖兒直言:「好少啫,開心吖嘛。其實呢個演出想做好耐,隻碟又做咗好耐,可以做咗個騷畀大家聽,好開心。」

被問到碟中最喜歡哪首歌時,祖兒認為難得5年才推出專輯,只可以選一首喜歡的歌很可惜,每一首歌都有好多感情喺裏面,每一首歌都好值得畀心機鍾意,我全部都好鍾意,每一首歌都有唔同意思。但係好多人都鍾意《明天見》,好似我身旁嘅呢一位小姐」。

(即時娛樂)