張敬軒家中原來除有外傭「遮遮」這位暗黑系早餐界KOL外，張媽媽的廚藝也有一手﹗軒仔今早在社交平台報告今朝食啲乜，他上載以「一遮還有一遮高」為題的片段，見他今早除了烚蛋外，還有一碗灰泥色、貌似粉漿的糊仔，糊仔表面帶點凹凸狀，似月球表面。
軒仔說︰「呢兜好似石屎咁嘅嘢係我今朝嘅早餐。查實我條命係咪五行缺飯，同老母年幾冇見，諗住佢老人家嚟咗，我應該可以有新嘅開始...... 話說佢係我早餐關注組召集人，成日都問我早餐食乜。到埗第一日，更揚言要我過番啲正常生活...... 我冇異議，呢一切其實都係我日常嘅正常。正所謂天有不測風雲，我冇諗過一嚿風雲過後，原來仲有另外一嚿。本期介紹，張公館特製，唔知石屎定熔岩瓊咗十足月球表面早晨全餐。」
許廷鏗留言想試食，軒仔答︰「要冇牙先得呀大夫！」有網民以為軒仔今日的早餐又是外傭「遮遮」的傑作，軒仔說︰「今次係我阿媽。」應智越（細貓）問片段中的那碗東西是否芝麻糊，軒仔說︰「我老母話係高熱量早餐，有亞麻籽黑芝麻花生乜乜物物打埋一兜... 我諗佢以為我冇牙。」
