無綫台慶劇《拳王》由黎耀祥﹑張振朗﹑姚子羚和朱敏瀚等合演，監製陳耀全（Andy）昨晚偕振朗和黃子恆開Live與觀眾互動之餘，並送出2人親筆簽名的《拳王》口罩套。
Andy笑指是次將振朗與子恆性格大兜亂，帶給觀眾新鮮感，振朗表示有難度：「個角色好嚴肅、又多內心戲，仲要打好多份工，對我嚟講真係演得唔算得心應手。我嗰時拍到個人唔同咗，變得唔鍾意講嘢同埋好鍾意諗嘢。」
至於由嚴肅變活潑的子恆，則笑指在角色感染下，私底下亦變得開朗：「劇入面拳館所有人，都好似一家人，所以拍得好開心。」
2人又坦承是喊包，子恆指最近一次爆喊，是因為聽到劇集其中一首配樂，然後滿腦子都是海正藍（張振朗飾）的畫面，及拍攝時的所有畫面。
至於振朗則坦言無論是見到劇中嫲嫲羅蘭，或做訪問談及拍攝感受時，都定必感觸落淚，Andy聞言再玩踢爆謂：「係呀！佢好易喊㗎！好記得第一次同佢合作《師父‧明白了》，佢話想睇番自己死嗰場戲，我咪畀佢睇，點知佢一睇就喊到豬頭，嚇親我！」Andy又笑指振朗是劇中NG最多演員，十分搞笑。
