黃庭鋒偕陳聖瑜擔任主持的節目《讀心專家》，昨晚（2日）播出第3集，嘉賓有視帝陳展鵬及他的太太單文柔，而展鵬對「讀心專家」松明甘拜下風。昨晚松明對兩公婆示範「控心」及「植心」秘技，結果展鵬夫婦3次的表現，都盡在松明掌控之中。原本對松明滿臉疑惑的展鵬，經歷兩輪「洗禮」後，忍不住大嗌Amazing及讚他好犀利呀。
展鵬在節目中不忘放閃，先是文柔向老公撒嬌：「以前我行街最鍾意睇衫，依家結咗婚之後，我淨係可以行超市。」展鵬聞言冧爆回應：「做靚太吖嘛。」又讚太太是他的讀心專家：「讀心就係你唔使講嘢，就可以睇穿你個心，同埋知道你諗緊乜嘢，好似佢（指向文柔）對我咁。」然後當松明要求展鵬交出電話作心理術示範時，展鵬表示電話內全是太太「私照」外，又爆料指老婆知道他的電話密碼。
