無綫台慶劇《拳王》昨晚（7日）劇情講到正藍（張振朗飾）為了減磅，決戰外號「鬼影」的拳手邢冠一（古天祥飾），縱然面對美食引誘，仍堅持齋吃烚蛋，最終正藍成功減磅，並在擂台上決戰邢冠一，可惜處於下風連番中重拳；為免正藍遭受不必要永久損傷，教練迎風（黃子恆飾）關鍵一刻掟白毛巾投降。
輸了比賽的正藍情緒低落，加晴（蔡潔飾）見狀即指摘迎風，迎風型爆回應：「我係佢教練，有權咁做，亦都有必要咁做。」
對於該重要場口，振朗坦言拍得辛苦又有遺憾，他說：「過磅戲有遺憾㗎，本身我想甩水甩到勁乾，因為想帶畀觀眾真實感，但因為我開劇前已經甩過一次水，拍咗2個月左右，上擂台前又甩過一次，教練話我唔可以喺兩個月咁短時間內甩3次水，我就跟佢建議冇咁做；同埋因為我拍打擂台戲，係連續咁打，呢場戲應該係我連續打到第5、6日左右，我無論戲內戲外都好攰，應該喺嗰段時間開始，我就完全唔講嘢喇。」
