人氣男團MIRROR紅透半邊天，經理人黃慧君（花姐）當然是最大功臣。原來早於20年前，由商台DJ少爺占和Donald組成的「艾粒」，已經跟花姐合作過；二人今天在社交網分別貼了當年合作的片段，片中花姐的容貌、打扮及舉止，跟現在變化不大，當時身形較瘦，現時則發福不少。
少爺占搞笑寫道：「二十年前佢叫過我入偶像男團，本來我想入，但係因為我唔記得簽家長回條，所以白白錯失咗機會。之後我就組成咗艾粒。」Donald也寫道：「睇番艾粒以前啲片驚現花姐，係咪就係傳說中『阿花仲做女嗰陣已經識』。」
MIRROR副隊長AK（江𤒹生）也在艾粒的Ig留言：「OMG🤣🤣🤣 我好鍾意呢個系列🤣🤣🤣，點解無睇過呢個？」、「點解我會無睇過呢集？」
