無綫新劇《愛上我的衰神》將於下周一（27日）首播，除了胡鴻鈞和陳嘉慧主演外，還有鄭子誠及鄭詩君（C君）等合演。鄭子誠在劇中演生活在第二維度的司馬崑崙，亦是小渝（陳嘉慧飾）上司。在發布的官方宣傳照中，子誠展示其扮嘢天分，先後扮演「鬈髮師奶」、「揼心阿婆」及「頹廢學生哥」等。
子誠受訪時表示，今次是他首度反串演出，他笑言：「我覺得成件事都幾有趣，純粹搞笑、個故仔又非現實，咪豁出去試一下，同埋因為啲造型特別醜，我更加冇咁緊張，如果要我扮靚女，我就真係唔OK喇。」子誠表示花了大半天時間試造型：「好多嘢要試，好似髮型啦、衫啦，佢哋畀咗啲bra我試，一係就唔啱戴，啱戴嗰啲又冇效果，我哋試過塞兩個橙落去，但又好核突。」
C君在《衰神》中與「靈異」有緣，由於疑似親身經歷靈異事件，C君飾演的「阿發」由原本的「小迷信」升呢至「超迷信」，不但常找大師驅邪驅鬼，又在家中張貼大量靈符，但依然遇到怪事，不過效果搞笑多於恐怖。
