羅子溢甫全家福 大女小珍珠主動摸初生弟弟 畫面溫馨 (18:15)

文章日期:2021年12月23日

羅子溢上星期報喜,表示他與太太楊茜堯的細仔已經出世。羅子溢今日在社交網上載全家福,相中的他抱住大女「小珍珠」羅翊心,細仔就由楊茜堯抱住,3人一齊望住BB,畫面溫馨。

羅子溢說︰「連日嚟收到大家嘅訊息,感謝大家嘅祝福!作為丈夫,好感激太太嘅付出,懷孕期間太太同時要照顧心心,又要打理各方面嘅事情,要好感激太太嘅一切一切。當細佬出世嘅時候,睇到心心有微妙嘅轉變,感覺佢突然長大,可能感受到自己係姐姐,睇到佢主動摸細佬、錫細佬,我同太太都好感動,作為父母最大心願都係希望自己嘅小朋友能快樂、健康成長!」

(即時娛樂)