謝天華秘密返港給仔女驚喜 鄭嘉穎預告缺席台慶頒獎禮:應該唔會見到我 (21:15)

文章日期:2021年12月23日

黃宗澤(Bosco)、鄭嘉穎和謝天華等,昨晚(22日)出席電影《G風暴》首映禮。Bosco和嘉穎合作過很多次,他們笑言每年有合作,且經常扮演兩兄弟,彼此熟悉,在新戲中也走親情線,當中不乏追逐場口。

嘉穎憑《星空下的仁醫》角逐視帝,他說:「都是那一句,希望未攞過的人攞,睇好譚俊彥和張振朗。」笑他不揀好兄弟馬國明,怕不怕對方不開心?嘉穎說:「他都攞過視帝。」他順勢還拖埋Bosco落水:「我想揀Bosco,但他不玩這個遊戲!」

嘉穎預告缺席台慶頒獎禮:「無謂啦,應該不會見到我,不過《星》劇得到最多獎項提名,多謝觀眾支持。我希望趁退休前,拍多些令人留下深刻印象的角色。」聖誕及新年長假,他笑言做家長就最大壓力,要忙於為兩個兒子安排節目;他又呻湊仔霸佔好多時間,希望安排跟太太睇戲、食燭光晚餐過二人世界。

謝天華回港陪家人過聖誕和農曆新年,他表示離家8個月,雖然每天跟仔女視像聯絡,但被老婆詐型,所以趕快回家,他說:「我叫老婆不要預告我回家,想回到家門時拍片段,睇仔女反應,我個仔見到我呆了2、3秒,問『爸爸回來是真定假?』,我當然攬住仔女狂惜,好彩他們仲攬我,否則會好hurt。」

笑他是否掙夠錢便回家,他說:「錢沒有搵夠的,但要有休息時間,畀自己充電回氣。」他笑言回家過節,比內地工作更忙,檔期排滿親子活動,又發現本地因應疫情持續限聚令,與親友聚會好傷腦筋。

相關新聞:為《G風暴》拍2個結局 古天樂不排除跟宣萱情侶檔合唱

(即時娛樂)