趙學而被腎石搞到腰痛難當行唔到 去醫院睇急症 (22:48)

文章日期:2021年12月23日

趙學而今天(23日)在社交網貼了素顏照,她先寫道:「#素顏 #驚嚇 #慎入 遲來的冬至快樂。」

她表示剛過去周末吃得太多「花生」,所以有點吃不消,到周一中午她突然腰痛難當,痛到連行路都行不到,老公便立即載她到醫院睇急症,醫生要她留院觀察,她寫道:「先X-ray後CT結果原來係粒腎石搞我,之前體檢已知道佢存在,但實在細小(半粒米)可以暫時唔理,點知佢失驚無神走咗出嚟拮我條管,結果止痛消炎乜針乜藥都出齊,返咗屋企休息,繼續食藥,呢兩日都依然懵仔咁,不過已經唔痛嘞。收到各位嘅message但未回覆,唔使擔心,我會見字飲水,盡力照顧好自己身體。有無經驗者可以分享下俾阿婆知要注意啲咩咁?」

盧巧音、江若琳和柳俊江祝學而早日康復,而已為人母的莊韻澄則留言:「早日康復,要少食鹽同戒可樂,腎結石係會腰痛到起都起唔到身企唔到㗎!我媽咪中過,開頭醫生開啲藥俾佢屙出嚟,但最後都係唔得,用激光打散佢,之後我媽咪戒可樂都食清淡咗啲都冇再復發。」

(即時娛樂)