正在紅館舉行跨年演唱會的張敬軒，最近拍攝首條「Naked-eye 3D」宣傳片，成為全港首位藝人登上「Naked-eye 3D」廣告熒幕。
軒仔的Naked-eye 3D宣傳片日前於中環一幢大廈外牆首播，不少人大讚廣告3D效果。由於廣告位置在馬路之上，一眾網民坦言掛住睇軒仔：「呢世都過唔到馬路」、「呢條馬路過極都過唔到」、「呢個路口開車好危險…顧住睇你唔睇路」等，更有fans站在街上等軒仔「出現」等足半小時廣告開播。
軒仔說：「之前有睇到其他地方嘅Naked-eye 3D廣告熒幕，真係3D到好3D，仲諗緊香港幾時會有，所以今次可以成為一分子，真係好開心，自己都好想落去睇睇。」對於有粉絲表示「過馬路有困難」，軒仔笑說：「希望我唔會嚇親大家。」
