吳卓羲及黃宗澤負責頒發「最佳女主角」及「最受歡迎電視女角色」獎，結果李佳芯（Ali）憑《愛美麗狂想曲》王麗美一角，奪得「最受歡迎電視女角色」。Ali說：「冇諗過今晚有獎攞，對上一次企喺呢個台攞獎係3年前，3年前同依家好大分別，世界及個人都好大分別…呢個係我最想攞嘅一個獎，因為透過攞呢個獎，有一班真係無條件支持及愛我嘅人，包括多謝我家人，身邊好惜我及支持我嘅人，多謝台前幕後，尤其幕後好想趁機會多謝你哋，有時我拍劇爛面，你哋打燈就我啲皮膚，當然可以話係份內事，但拍到朝早收工，做多做少我看在眼裏係感受到，多謝觀眾，呢2年唔容易，大家都過得唔容易，多謝自己，每晚揞住自己個心，同自己講會好嘅、得嘅，每日就係咁樣過，繼續學習，繼續蛻變，會有好嘅Ali。」
