《新春開運王》明晚（13日）播出一集，薛家燕、周志康與港姐冠軍宋宛穎將入到元朗，找燕窩達人Sam哥教大家揀燕窩。
講起燕窩，家燕姐指女兒曾一餐煮了一大碗燕窩，她憶述：「有一年我生日，嗰時女兒珊珊好細個，佢可能見媽咪做嘢辛苦，諗住煮燕窩畀我食，點知佢裝畀我嗰碗燕窩，啲燕窩多到呢，好似食緊燕窩羹咁，原來佢將我全屋嘅燕盞一次過煮晒，嗰時買都要幾萬元，我足足食咗2個月，雖然係咁，但個女都係惜我，所以我都心甜。」
周志康說：「其實燕子好有靈性，佢哋喺邊度築巢，即係代表嗰度風水好，所以如果見到燕子喺屋頂築巢，千祈唔好趕走佢哋呀！」
除了燕窩外，Sam哥更介紹罐頭鮑魚與馬卡，當Sam哥取出大盆秘魯馬卡，家燕姐笑言：「係咪黑松露？」全場大笑。Sam哥指馬卡有營養價值，有秘魯人參之稱：「尤其對男性有幫助，如果想生小朋友就一定要試，陣味好似朱古力。」家燕姐聞言即二話不說要兩盒，Sam哥亦豪氣說：「家燕姐買兩盒，我送兩盒！」
