農曆新年將至，不少市民愛買蘿蔔糕過年，71歲的李司棋昨天（16日）則在家自製蘿蔔糕，她說：「以前都會出去買蘿蔔糕，今年我就試整，媽咪喺度嗰陣我跟過佢學，希望仲記得，因為時間關係，同埋好彩得到阿東幫忙，有好多嘢都切好咗，膶腸﹑臘腸﹑臘肉，而乾珧柱一早浸好。」
司棋姐落手落腳切蘿蔔和臘腸，然後將食材放落鑊炒香，製作過程都親力親為，煎完蘿蔔糕後，司棋姐立即品嘗，她吃得相當滋味：「睇個樣就好好味，脆㗎，好香﹑好重蘿蔔味，都幾好，但始終覺得太軟，肯定啲粉有問題。」她在Instagram寫道：「味道85分，賣相50分。」
有網民留言建議司棋姐：「下次可以試吓300g粘米粉+60g澄麵粉，質感較有咬口。加油呀，司棋姐」﹑「司棋姐，加啲栗粉會硬身少少，以前我媽教我的比例係7斤蘿蔔，1斤粘米粉，3-4湯匙栗粉。」司棋姐則留言感謝網民的建議。
