古天樂（古仔）去年6月跟ERROR、盧覓雪及Agent L.（曹梓冲）為外賣平台拍廣告後，新一輯古仔伙拍「試當真」的許賢及蘇致豪、林家熙、《膠戰S2》劉沛蘅、ANSONBEAN（陳毅燊）等拍廣告，古仔好友鄭秀文（Sammi）亦驚喜演出。
古仔去年10月底曾在《試當真一週年現場版》驚喜登場，今次再度跟他們合作，默契十足。今次廣告主題圍繞農曆新年，古仔召集眾人諗計面對新年，親戚會追問的問題要怎樣應對時，起初古仔鬧爆他們：「花開你哋個富貴吖！呢啲爛鬼賀年『恭』略，咁都寫得出嚟嘅？離晒譜嘅真係！」
之後各人繼續度橋，許賢及蘇致豪惡搞《係咁先啦》其中一句歌詞，變成：「食先啦！係咁食啦！食完再玩啦！」廣告其中一幕是打麻將場景，剛好是古仔演出過經典賀歲電影《嚦咕嚦咕新年財》，該幕由他、Sammi及反串的蘇致豪打牌，還叫古仔「鬆章」，十分爆笑。Sammi在社交網亦貼了廣告片段，她表示拍攝該廣告拍得好開心及好齊心，自己也忍不住笑了。
