MIRROR Ig管理員爆公關災難惹鏡粉不滿 花姐代為道歉 (13:01)

文章日期:2022年01月18日

不少「鏡粉」(MIRROR粉絲暱稱)投訴ViuTV將資源花在女團COLLAR身上,對MIRROR不公平,希望ViuTV認真經營MIRROR的社交平台Instagram,以及幫MIRROR做應做的宣傳,矛頭直指經理人花姐(黃慧君)管理不善,之後花姐亦回應粉絲投訴,MIRROR的Ig管理員亦正視問題,在Ig限時動態及發文都表現積極。

正當以為事件告一段落之際,豈料又爆出「公關災難」。MIRROR昨天(17日)出席劇集《季前賽》記者會,期間MIRROR的Ig管理員曾在限時動態發文,其中一則叫粉絲「睇FB LIVE啦」,另一則是「#季前賽訪問 大家自己留意報導」。

之後有個名為viu_pls_do_ur_job 的Ig帳號,公開鏡粉跟MIRROR的Ig管理員對話截圖,對「#季前賽訪問 大家自己留意報導」這句回應,並寫道:「好掛住舊年嗰位summer intern」﹑甚至爆粗「有需要咁X嗎?」疑對該管理員感不滿,而該MIRROR的Ig管理員亦回覆對方:「Ummm..我唔知你講嗰個字點解」﹑「我都唔知你掛住嗰個係邊個」。

雙方你一言我一語回應,該鏡粉表示MIRROR每位成員都很努力,不希望Ig管理員「做臭」MIRROR個名,惹來Ig管理員爆Seed:「記者會的作用是對外界發佈資訊,如果你只想在這個page睇到有資訊,那我可以和公司反映一下,MIRROR不用出席活動,只要在Ig上發佈,那應該合你心意」、「你又想知道活動資訊,又想見mirror,報導後又想我們把原原本本的報導再報導一次?這就是最合你心意?」

對話公開後,不少鏡粉直斥該管理員態度惡劣,又認為其實可以已讀不回,對於MIRROR的Ig管理員爆「公關災難」,惹來網民及鏡粉不滿,花姐昨晚在Ig限時動態代為道歉:「小編其實係好想做得更好,以後會注意多啲表達方式。雖然係咁,佢嘅回覆都係唔恰當,小編嘅錯,都係我嘅責任,我代佢同大家道歉。我哋會再做好啲歌同IG,令大家更了解MIRROR。」

(即時娛樂)