余香凝拍賀年節目食唔停 自爆下廚「惹火」經歷嚇餐飽 (16:35)

文章日期:2022年01月26日

臨近過年,余香凝(Jennifer)與同公司的徐頴堃(Erica)、陳穎欣(Yanny)、吳嘉禧(Cheronna)、余潔滢(Zoe)及梁式昕(Catrina)拍攝開電視賀年飲食節目,分別與城中知名廚師Ricky、Jacky、小儀及Anson炮製多款不同的賀年菜式。

首次拍攝飲食節目的Catrina表示,以往在外國讀書時,試過與同學上網自學整賀年糕點,不過味道一般,她說︰「在外國讀書時剛搬屋,有一晚煮嘢食時,忘記擺放木叉在爐頭上燒着了,整響火警鐘,成棟樓鄰居為我要走火警。」

已為人母的Jennifer同樣下廚時非常「惹火」,自言有「強迫症」的她,因一張紙巾嚇到心慌,她笑說︰「我有少少強迫症,如果污糟咗就要即刻抹,試過開住個爐,爐頭附近有少少污糟咗,我拎紙巾去抹,點知燒着紙巾,當時好驚,之後會提醒自己要煮好先去抹。」

Yanny向4位廚師偷師,還大讚女廚師小儀,她說︰「我覺得佢好叻,雖然佢身形嬌小,但識拋鑊,有自己私房菜,好佩服佢。」Cheronna大讚幾位廚師相當搞笑︰「佢哋見Yanny鍾意食嘢,就叫佢搵識下廚的另一半。」

(即時娛樂)