李璨琛的3歲囡囡李元元（Lucy）可愛又搞笑，平時喜歡在家高歌開演唱會，尤其最愛穿上公主裙，高唱迪士尼動畫《魔雪奇緣》主題曲《Let It Go》，不過Lucy近日忽然「變心」，成為張天賦（MC）的小粉絲。
Lucy媽在社交網貼了囡囡坐在電腦前，專心欣賞MC的MV，更邊看邊哼歌，令Lucy媽媽開心不已：「一日佢又話要聽Letgo（《Let It Go》），因為唔想再聽letgo嘅關係，一定要搵一個解決辦法（決心），於是我反sell佢不如聽吓啲有型啲嘅歌吖BB，開咗張天賦首《LOSER》比佢聽，然後再落力sell佢話：『嗱呢個哥哥係咪好型呢唱歌？係咪好好聽呢？佢都玩Scooter喎（幾唔關事）你睇吓佢着件恤衫，爸爸都有㗎（開始亂噏）』，最後，真係比我sell到。 #好想多謝張天賦將我從LETGO嘅地獄中拯救出來 #而家玩玩具都成日唱 #記得記得安好 #烹佢去瞓前我仲會唱番比佢聽 #時候已經不早」。
