KB（李健宏）日前自爆失魂事件，新年流流遺失手提袋，要報失證件與信用卡等都好煩。最後KB的手提袋失而復得，最搞笑是他被揭發隨身擕帶幾隻假曱甴準備嚇人!
KB在社交平台透露事件經過，寫道：「話說我尋日收工同事頭婆提議去海港城，懶有情調咁喺架車度對住個海港食外賣啦！我掛住食就隨手放咗個袋喺車後嘅士啤軚（後備胎）上面，食完之後就兩手fingfing咁上返車揸車返屋企喇... ...」他返家一個多小時後，睇完自己主持的《玩x爆香港地》才發覺遺失了手提袋。他立即出門口，雖然打輸數仍回到海港城尋找，其實不知道手提袋是在什麼位置跌的。想不到他到達停車場時見有3個職員行近兼向他揮手大叫，問他是否要取回手提袋。原來閉路電視拍攝了他跌手袋情況，並交有關人員保管。他多謝商場的工作人員幫忙，又讚揚他們認真對待失物又寫報告。他分享待領物件報告內容，是他手袋內的財物，包括6隻膠曱甴！KB寫道：「題外話：試問當今世上除咗我之外又有邊個會放d膠曱甴喺個袋度隨時準備嚇人？而阿工作人員亦竟然細心地照寫喺報告度。」
