張致恒（Steven）與太太歐燕雯（雯雯）結婚逾兩年，育有兩子。雖然Steven近年被揭欠下一身債，負面新聞不斷，雯雯仍力撐他，一起共渡難關；張致恒亦承諾擔起頭家，密密往內地登台掙錢，養家及還債。不過，雯雯日前（27日）在社交網上載日落照片宣布離婚，並祝福Steven能夠幸福。
Steven今日在Instagram上載與雯雯及兩子的照片，稱與雯雯溝通後決定一齊走下去，還說「一家五口好好咁樣愛下去」，未知他是打錯字還是暗示將有新家庭成員。他說︰「人嘅一生中總會犯唔同嘅錯，感情事、工作事、家庭事、友情事，但係最重要係犯錯過後點樣去反省改過繼續行前面嘅路，多謝老婆喺呢兩年幾嘅日子包容我犯嘅錯，經過呢幾日同老婆嘅溝通，我哋決定繼續一齊行前面嘅路，兩夫妻有好多嘢要學習，仲有好長好長嘅路要大家一齊學習，一家五口好好咁樣愛下去！」
