膠戰S2|跟「爺爺」岑珈其咀嘴 呂爵安尷尬認最鹹濕 (13:18)

文章日期:2022年01月31日

ViuTV綜藝節目《膠戰S2》昨晚(30日)播出第17集,亦是第2季最後一集,今集延續上回「膠戰冬季膠遊遊」,「6膠」呂爵安(Edan)、魏浚笙(Jeffrey)、岑珈其(爺爺)、徐浩昌(肥腸)、黃正宜(阿正)和劉沛蘅(Hillary)繼續接受不同任務挑戰,若任務失敗後便要接受「真心話大冒險」,期間「6膠」挑戰任務失敗,Edan被抽中玩「大冒險」,並要跟「爺爺」來個男男咀,「爺爺」在鏡頭前向老婆備案:「老婆我好愛你㗎﹗」之後Edan肉緊捉住「爺爺」再咀嘴,其他「膠人」即時起哄,兩男咀完後還搞笑示愛。

另外,節目尾聲時,「6膠」玩「膠戰之最」,包括揀出自己心目中在鏡頭前反差最大,最大使﹑戀愛經驗豐富等的成員,當問到哪位膠人最鹹濕時,全員一致揀了Edan,而Edan為顧全大局,亦將自己個名寫在紙上,不過他一臉尷尬死撐:「我寫呢個原因,係因為我知道你哋會寫邊個,我唔係(鹹濕),但我知道你哋會寫我,我為咗你哋﹗」

此外,昨晚阿正相約Jeffrey、肥腸、Hillary齊看最後一集,而Edan因工作關係未能現身,爺爺亦要陪家人,期間「4膠」在電視機旁,得知節目主題曲《膠on!》,登上「Chill Club 推介榜」亞軍時,即興奮尖叫,至於Edan拍完劇17個小時後,於凌晨4點幾才趕到會合他們,果然夠老友﹗

(即時娛樂)