新冠肺炎第五波疫情嚴峻，商台廣播劇《十八樓C座》成員爆疫，「周老闆」金剛、「祥嫂」朱雪梅及「無牙三姑」陳慕賢相繼確診。
該廣播劇監製兼在劇中演「拉表叔」的馮志豐，今日（16日）傍晚在facebook回應事件，他寫道：「多謝大家呢幾日嘅祝福同支持。直至今日，我哋有四位播音員確診或者初步確診，包括周老闆、祥嫂、三姑同鐸叔，佢哋身體狀況都唔錯，大家唔駛擔心。
雖然我哋都要隔離，但依舊會盡力（喺唔同地方進行）錄音，做好每一日嘅十八樓C座，風雨不改陪伴市民共渡難關。除咗十八樓C座劇組以外，商業一台台前幕後已經做咗幾日快速測試，結果都係呈現陰性，所以估計今次傳播應該唔涉及其他同事。最後，再次多謝聽眾近日送上嘅祝福，祝願大家身體健康！」
相關新聞：商台3播音員染疫 《十八樓C座》今如常播出 周老闆無牙三姑中氣十足「現身」
