C AllStar成員陳健安日前透露確診Omicron，正居家隔離的他連日來也更新健康狀况，昨晚（22日）陳健安繼續在Instagram更新近日狀况：「Day 8，呢個溫度，加埋疫情，睇嚟冰河時期要嚟喇。今朝瞓醒，喉嚨好咗至少三成，去到黃昏，飲多兩劑藥繼續洗鼻漱口食蒜頭多喝水，噴蜂膠含umf20+蜜糖，喉嚨起碼好返一半，舒服好多。最忙係不停煲水同埋瞓覺，平均一日瞓15個鐘。
Day 9：喉嚨得返10%痛，不枉我努力每個鐘暖鹽水洗鼻漱口綠茶漱口。瞓覺幾聲乾咳，瞓醒輕易咳出少量黃痰。無其他嘢，係繼續有啲眼瞓，食得好清，皮膚幾好。快檢仍然係positive。
中omicron唔係咩醜事，亦唔使怕被人歧視，多分享多討論多看世界各地新聞和文獻，自己救自己，減低醫療負擔，互相幫忙，減低恐懼帶來嘅焦慮，與病毒共存。」
