由張慧儀、廖子妤主持的香港開電視節目《曬ya馬拉moi》，於今、明晚上10時30分播映最後兩集。張慧儀邀請了蘇永康擔任壓軸嘉賓，並親自下廚炮製馬拉菜款待對方；2人大談相識淵源外，蘇永康更在鏡頭前向張慧儀致敬，大讚她無私地為養子付出，要向對方好好學習這份愛。
蘇永康跟張慧儀雖不是最熟稔的朋友，但對於對方無私地照顧養子，這份偉大的愛作出崇高致意，他說：「10幾年前喺北京碰面，知道你將會帶一個小朋友一齊生活，嗰刻我覺得有啲突然，當時我哋30歲出頭，帶一個小朋友，對我哋嚟講係一個唔能夠想像嘅大責任，聽到你點解要收養佢，知道佢身體唔健康，要用好多時間去照顧佢，當時我心底係祝福你，知道呢條路唔易行，直至我做咗爸爸，回望番你條道路，（我）更加尊敬（你），當我小朋友發燒、頭暈身㷫，我會緊張到喺台上跌咪，所以好理解你嘅感受，好多朋友對你感覺係『張慧儀係好靚嘅女仔、好性感嘅女人』，但（你）內心嘅愛大到我自己都肅然起敬。」
