由肥媽和陸浩明（6號）主持的無綫節目《煮‧野食》，今晚（1日）播出第10集，肥媽、6號去到上水坑頭休閒農莊「煮嘢食」，邀來6號女友陳詩欣（Ayan）做嘉賓。6號和Ayan在節目中瘋狂放閃，6號除了幫女友穿水鞋外，又甜蜜餵食，sweet指數爆燈。
6號今次與女友Ayan一同上節目，根據製作組發布的宣傳照，Ayan似乎被野外下廚考起，不過6號受訪時卻指女友是下廚高手：「Ayan成日煮嘢食，佢好叻，佢鍾意煮西餐多啲，擺盤都擺得好靚！」6號透露肥媽對Ayan下廚作品大感滿意，他笑言當正Ayan是新抱的肥媽，豪爆「送地」給他們：「我以為好正啦，原來佢想我哋學耕田生活。肥媽好惜Ayan，有Ayan喺度嗰時，肥媽對我同佢都比較溫柔，成日都叫佢新抱仔。」
講到疫情嚴重，6號透露與女友宅在家，完全沒有外出，「買定晒乾糧，喺屋企煮嘢食同煲劇，佢就負責下廚，通常煮西餐，有時都會煮中餐，整得最多嘅係甜品」。提到肥媽當正Ayan是準新抱，問到兩人何時拉埋天窗？6號笑言：「兩個字回應，期待！」
