江嘉敏遭刮花座駕反被罵︰管理員大大聲鬧我仲郁手郁腳 (15:34)

文章日期:2022年03月16日

江嘉敏在社交平台上載座駕被刮花、留有幾道花痕的照片,透露一直聯絡不上刮花其座駕的車主,只好留字條請對方主動聯絡,豈料反被對方指摘,代為傳話的管理員開口鬧她不特止,其間更「郁手郁腳」。

江嘉敏說︰「其實傷得唔太嚴重,但係去車房整都要三四千。一直聯絡唔到刮花我架車嘅車主,我唯有留張字條喺佢架車度叫佢聯絡我!估唔到今日管理員叔叔,見到我就大大聲鬧我仲郁手郁腳,話車主叫佢同我講︰『報警囉!驚你啊!』我覺得就算係有心定無意,刮花咗就係刮花咗,咁樣都算一個交通意外,唔應該因為見到大廈停車場冇CCTV,見到我架事冇後cam就心存僥倖。」江嘉敏坦言最不開心是不明白為何那位車主拒負責任,做錯事以為沒人看見、沒被影到就以為沒有事。

她回憶曾見過有車主泊位時撞到前車後,下車看見只花了少許、前車車主不在就想離開,立即被她截住。江嘉敏說︰「唔係花咗少少嘅問題,咁你始終都係撞到人哋架車,點可以不顧而去?今次好彩就係撞到架冇人嘅車,咁如果下次唔小心撞到隻狗撞到個人,咁啱附近冇人見到,你係咪又會就咁走咗去?就算車主唔喺度,你都可以寫張字條同人講聲對唔住,之後有啲咩事可以聯絡你,咁樣先係負責任嘅司機。可能好多人會覺得我咁樣好多事,我憑咩去教導人,但起碼我覺得自己做咗一樣啱嘅事。」

(即時娛樂)

相關字詞﹕江嘉敏