由林峯、周秀娜、黃浩然主演的網劇《黑金風暴》正在熱播中，歌手許靖韻（Angela）以演員身分亮相，於劇中飾演李璨琛老婆一角。
劇中Angela飾演配樂師，同時亦是ICAC陶世英（李璨琛飾）妻子，面對丈夫特殊身分及秘密任務，經常產生懷疑，但她在人前依然表現大方及保持冷靜。雖然之前也有拍戲經驗，但拍劇卻是首次，Angela表示拍劇跟拍電影的分別，拍劇節奏較快，對白也相對地多。
至於角色方面，她首次飾演人妻角色，她說：「拍之前好緊張，因為我知喺劇入面演李璨琛老婆，拍之前我有睇呢個劇嘅演員，都係非常資深，所以同咁多前輩合作非常緊張。李璨琛非常好，一路同我傾偈、對劇本、對戲，令我成個感覺都放鬆咗好多。」
談及拍劇蝦碌事，Angela表示有一天到達拍攝現場，被告知要拍「牀戲」，她說：「有一幕見到工作人員將間睡房set得好好，之後佢哋就同我講：『吖！陣間有牀戲。』我就：『吓！嗯？！』但係最後唔係真係牀戲，係大家背對住背瞓覺，係冇身體接觸嘅牀戲。」
