肥仔教拉筋減壓 193咖啡店尚欠枱櫈未送到 擬搞「立食」 (14:46)

文章日期:2022年03月29日

ERROR成員肥仔(梁業)和193(郭嘉駿)昨晚(28日)亮相由陳安立和羅沛琪主持的ViuTV資訊節目《今日疫情》,肥仔和193透過視像受訪。肥仔出名「瞓得」,羅沛琪叫他分享睡眠錦囊,肥仔說:「我覺得係拉筋,如果瞓得唔好,因為肌肉繃緊,平時伸懶腰拉筋,仲有『大字馬』,就會好好多。」

193則鬧着玩笑指肥仔下身只穿內褲,肥仔便立即示範腿部拉筋動作。另外,193受訪時戴了帽,頭髮似乎比之前剪得更短,陳安立問到他的咖啡店進度如何?他說:「依家裝修都叫做搞得七七八八,但仲有啲delay,因為之前有啲嘢未運到香港,依家經船運過嚟,但都未check到喺邊,依家牆及燈都搞晒,係爭啲枱櫈未有,我為咗掙埋呢筆錢,於是諗番應該搞『立食』,企喺度食嘢嘅Cafe!」

193繼續笑說:「有冇疫情都係咁諗,總之最細嘅枱最細嘅櫈,令到大家食得好唔舒服,食完即刻走,唔好阻住啲位,因為我間Cafe好多人嚟排隊,大家唔好掗住啲位,我希望大家﹑呼籲大家如果嚟嘅話,食10分鐘內即刻好走,唔該晒!」

(即時娛樂)