由李思捷主持的無綫遊戲節目《思家大戰》，轉眼來到第一季最後衝刺階段。日前主持思捷與一眾嘉賓為最後3集錄影，現場所見，思捷沒有現真身，全場只有一個亮着思捷樣子的屏幕顯示器被推來推去，相當搞鬼。
原來思捷有見近日疫情嚴重，已足不出戶多時，但為了繼續將歡樂帶給觀眾及嘉賓，製作組想出「WFH隔空主持」妙法，透過一比一屏幕顯示器，讓「2D思捷」即使安坐家中仍能與現場嘉賓互動。
「2D思捷」接受無綫娛樂新聞台訪問，笑言以這種嶄新方法現身，反令顏值大增，「因為屋企有長期病患長者，主要想保護佢哋，又冇理由突然停咗個節目，咁依家好似AI公仔咁走嚟走去，都過癮呀，只不過我係平面咗少少啫，分分鐘仲靚仔過真人啦」。
而成就「2D思捷」滿場飛的幕後功臣則是「一蚊Joe」游莨維，為了幫助思捷行走自如，一蚊Joe不但早於一星期前，已在思捷指導下夾好所有走位，更笑言為了「落點」精準，專誠練大隻，「因為塊嘢不能夠太輕，會好易反嘅，所以下面加咗兩大個沙包，足足有成個思捷咁重，所以推時要少少技巧，同埋好難推啱位」。
