洪永城（Tony）和太太梁諾妍婚後育有囡囡Amber，眨眼B女已經出世滿100天，兩公婆在Instagram貼囡囡可愛相片，一家三口在家慶祝。Amber樣子似足爸爸Tony，連梁諾妍也搞笑留言指「洪永城扮女仔」，她寫道：「有個B仔100日啦，今日簡簡單單地過，媽媽祝你日日都咁開心，恰爸爸唔好恰媽媽，同Molly家姐一齊開心健康地成長，媽媽愛你。」
Tony亦在Ig貼了囡囡得意片段：「祝你健健康康，好努力咁成長，爸爸希望好快可以帶你出去行街街，陪你喺草地上面玩跑跑，之後再帶你出去旅遊，帶你隻大眼睛一齊睇世界，期待下一個100日1000日。」不少圈中好友包括黃翠如、陳敏之、楊秀惠、江嘉敏、姚子羚、張寶兒等都留言祝賀，大部分留言也指B女好似Tony呢！
