無綫藝人兼《六合彩》主持蔡國威煙齡逾20年，早前下決心戒煙，並參加第12屆「戒煙大贏家」比賽，最後成為冠軍，獲得總值2.8萬元電器禮券。
蔡國威接受《東張西望》訪問時表示，5年前曾試過戒煙但不成功，不到1個月又再吸煙，直至去年他為健康着想，下定決心戒煙，「依家疫情肆虐，如果喺街搵地方食煙，一來又鬼祟，二來除咗口罩後，有機會傳染病毒或者感染到病菌，同埋違法，所以我覺得係時候戒煙」。
及後，他主持《六合彩》時，跟工作人員提到他正在戒煙，對方說既然決定戒煙，還建議他參加戒煙比賽：「我問佢有乜嘢好處？佢話好好㗎，有專員跟進，個獎品可以當作目標，都幾吸引，令我可以更專心戒煙。」
有指戒煙會影響到社交活動，蔡國威則說：「之前有人話吸煙係好好嘅gathering，或者有助『埋堆』，但我真係覺得out喇，反而依家戒煙可能係一個新話題，而且我覺得社交或者聚會，有好多健康活動都可以啦，唔一定要吸煙嘅！」
