MIRROR成員呂爵安（Edan）推出跳唱新歌《Elevator》，請來「正印」阮小儀參與MV演出，飾演身上染滿血的新娘。小儀在社交平台上載拍攝MV時的花絮照片，留言多謝Edan的邀請。
她說︰「多謝你嘅邀請﹗等我可以一齊參與呢個MV一齊入𨋢，一齊Elevator Elevator~ 你同我講，我要飾演一個身上染滿血嘅新娘，正啊！好黐筋啊，啱我！（唔好問我用斧頭劈咗邊個！我都唔知，總之係一個劈冧咗某人然後好驚青要着草搭𨋢走佬嘅新娘咁啦！我唔係飾演鬼新娘呀，生勾勾㗎我！）太耐冇演戲，所以好開心開心，我真係幾鍾意做戲㗎﹗仲要係Edan MV喎，超興奮！當然，仲畀我見證到Sheng Wong同Maggie團隊們嘅認真同細心！果然名不虛傳！很開心嘅一次演出，少少啫，但已經可以記足一世！Yeah~」
