MIRROR成員呂爵安（Edan）於4月1日推出跳唱新歌《Elevator》，請來隊友盧瀚霆（Anson Lo）及柳應廷（Jer）、羅家英、阮小儀、《闔家辣》導演鄭晉軒演出MV，而MV上架至今已有逾168萬觀看次數，成績不俗。
Edan今晚在社交平台自爆本身沒想過搵兩位隊友參與MV拍攝，他留言「睇MV見到佢哋嗰陣Surprise嗎？本身冇諗過搵佢地出演呢個MV，點知 @shengwong_ @mag.gieee.e 話想搵兩個好唔似工人嘅人做，就suggest佢兩個。雖然我唔知 @jeremylaous（柳應廷）邊忽唔似，不過有個入型入格都好嘅。Anyways~ 有你哋兩位出現係開心嘅」。Jer留言「戲黎講，你識咩」反擊Edan，Anson Lo也說：「意思即係其實好唔想搵我地岀演？」立即惹來大批網民留言，「叫安安跪玻璃，我想睇呀！買定花生先」、「下次你（Edan）主動提出拍返教主MV打和啦」、「@ansonlht 支持撈豬打安安，@edanlui 打架打架打架」等。
