無綫女藝人黃婧靈（波波）今天（12日）24歲生日，她收到厚禮，原來波波巧遇影帝梁朝偉，偉仔還輕碰她的手臂影相，並喜獲影帝跟她講生日快樂。
波波在Instagram貼了和偉仔合照，她興奮留言：「今日生日其中一件開心事！人生有幾可見到梁朝偉大哥！人生有幾可見到佢之後可以同到佢影相！！人生有幾可係生日正日撞到佢再同佢影！！！」
她還憶述巧遇梁朝偉的事發經過及對話：「我拍拍佢（我無戴con）
我： 我有冇認錯人？
巨星：無
我：呀！！今日我生日呀你可唔可以同我影張相
巨星：可以！
影完，巨星：生日快樂！佢仲同我揮手講byebye。
我原地窒息五分鐘加原地爆炸！佢一笑傾城，對眼好似梅杜莎咁，我成舊石咁，曾經我話過我想俾佢嗰十環打死，點知原來今日我係俾佢四個字嘅生日快樂擊破，我昏迷咗兩個幾鐘，好正呀！真係好正呀！！好多謝你肯同我影相。
#今年有梁朝偉同我講生日快樂 #冇諗過句生日快樂可以咁好聽 #冇諗過有人講生日快樂對眼可以電死人 #佢掂住我手臂 #我唔沖涼啦。」
