美國網站TC Candler連日來公布「全球百大俊男美女2022」正式入圍名單，最新公布的入圍者包括有「ViuTV一哥」外號的強尼、被封「仙氣女神」的ViuTV女團COLLAR成員蘇雅琳（Ivy So）及台灣藝人許光漢。
強尼在社交平台發文講入圍感受︰「嗱~ 呢單嘢，先唔理內容係選乜都好，我得出以下三個可能性同領悟：1. 做咗咁多年，知道原來真係有人會鐘意自己，默默咁支持，甚至為你去做啲傻嘢，就好似呢壇...... 個心係暖嘅，多謝你哋。（Fan-Page admin已自首話唔關佢事，仲話原來佢都有同路人）。2. 有班老友，話想整蠱我好耐，似乎終於俾佢哋等到呢個機會啦！不過咁，就算真係俾你哋玩，我都like，因為呢份幽默都算令我有啲『飛屎』丫～ 國際級喎，Haha﹗3. 外國人嘅口味，我明喎~ 經常見啲老外攬住身邊嘅亞洲babies，好多時望完我都係『嘩』一聲㗎！咪同今次一樣囉~ 講完～大家都應該開心晒啦，咁就好喇﹗聽日一於買廿蚊牛雜食慶功！賀賀佢﹗」
