有酒今晚吹|阮小儀願做留下來的人:香港好多人和事要珍惜 (16:08)

文章日期:2022年04月20日

ViuTV《晚吹─有酒今晚吹》前晚(18日)播出阮小儀擔任嘉賓一集,小儀分享成為MIRROR成員呂爵安粉絲「爵屎」之路外,還播出她和好拍檔森美不和原因。

節目尾聲,主持強尼問小儀退休後有什麼計劃?會否留在香港?兩杯落肚的小儀真情流露,她說:「我成日都同自己或朋友講,你唔好當我係阮小儀,我想放工後離開電台或電視台,我係阮佩儀,我真名係阮佩儀,我係你朋友,唔係電視或收音機內嗰個,你當我係朋友就得,我係平常人一樣。

依家我覺得隨緣啦,唔一定要移民,我afford得到。如果我鍾意嗰個地方,假設日本福岡,我喺福岡買個單位,得閒咪過去住,雖然我未做呢樣嘢,但有諗過呢樣嘢都幾好,不過我的重心仍然留喺香港,因為父母喺香港,我係獨女,我要照顧佢哋,我覺得我要負起呢個責任,跟住就係我愈來愈愛香港,我做咗愈多關於香港節目就發現,原來香港有好多人和事,其實係要珍惜,如果可以的話,我會盡量留下來,所以希望仲住喺香港的人一齊努力,維繫住大家緊密關係之餘,要愛惜呢個地方多啲。」

(即時娛樂)