ViuTV節目《晚吹 - 有酒今晚吹》下周一（25日）有姜文杰（Benji）擔任嘉賓。姜文杰曾跟妹妹姜麗文（Lesley）組成組合「Benji and Lesley」在樂壇發展，他為此曾有一段時間對妹妹感到愧疚及自責。他說：「Lesley原本在日本NHK做主持，我拉佢返嚟搞獨立音樂，但又唔算真係有好大成就。所以嗰段時間不停怪責自己同好抑鬱。」提到Lesley早前在電視台的頒獎禮獲獎，Benji自爆激動哭得像「豬頭炳」，終於感到帶妹妹回港發展的決定沒有錯。
Benji來自演藝世家，對「秦沛之子」星二代的身分，他笑說：「如果我夠紅嘅話，其實呢啲嘢係唔會發生。呢個係我哋星二代比其他藝人都更需要認命嘅一樣嘢。」他承認初入行時被人叫「秦沛之子」會不開心，但現在卻有不同看法：「既然依家啲人都仲講緊我係秦沛個仔嘅話，即係佢到依家都仲好出名。呢樣係好開心嘅事嚟，所以我都好自豪話畀人聽佢係我爸爸。」
