森美跟阮小儀是多年拍檔，早前小儀在ViuTV強尼主持的《晚吹─有酒今晚吹》任嘉賓，幾杯下肚後爆料，跟森美曾鬧不和，尤其是他受情緒病困擾的時候。小儀說：「嗰陣時做好多嘢都會令佢好嬲，無論係On Air定背後都會話你，嗰時我唔明發生乜事，有時仲會同幕後同事講壞話同吐苦水，但係依家終於明。」
昨日森美亦回應事件：「我想問強尼幾時請我飲嘢呢？我唔使飲醉先講嘅，同小儀合作咗廿幾年，當年我哋捱咗十幾年，終於調去做黃金時段，佢有一日突然話想調做朝早節目，因為返夜晚搞到佢冇得拍拖，由嗰刻開始我明白佢嘅意思，開始冇逼得佢太多。」提及MIRROR將舉行演唱會，呂爵安是森美的「女婿安」，他笑說：「叫佢哋畀演唱會飛我仲好啦！」
