馮允謙個唱優先訂票火速售罄 被鄭欣宜追歌:佢值得擁有最完美 (19:37)

文章日期:2022年04月25日

馮允謙(Jay Fung)將於今年7月2日至4日在九展Star Hall舉行首個個唱「馮允謙Have a JAY Time 2022 演唱會」,今早(25日)10時信用卡優先訂票已火速售罄,加上昨晚(24日)在《CHILL CLUB推介榜 年度推介21/22》膺「年度唱作歌手」銀獎,雙喜臨門!

Jay興奮說:「今朝收到好好消息,就係我嚟緊嘅個人演唱會,所有優先預售門票賣晒,我好開心,好開心,多謝大家。我等咗10年終於可以開個唱,知道好多人想嚟睇,我覺得好感恩,買唔到飛嘅朋友唔好灰心,遲啲仲有公開發售。希望之後限聚人數放寬或者加場,咁就可以多啲朋友入場睇我演出,不過呢啲都只係我嘅夢想啦!」

昨晚得獎後,Jay表示好感恩:「我非常感恩,雖然我付出好多努力,寫咗好多歌,但公司團隊和其他合作單位都好努力,所以我想用呢個獎報答佢哋。嚟緊唔可以停,7月2至4日我會舉行首個個人演唱會,我有好多歌要寫,唔可以停 ,要繼續衝。(剛才鄭欣宜公開向你追歌?)係,其實我寫咗,但覺得未完美,Joyce(鄭欣宜)值得擁有最完美,所以我要再調整到最滿意先至畀佢聽,好快,我會努力!」

(即時娛樂)