由MIRROR成員王智德（Alton/王勁）主持的ViuTV節目《勁騎26》，昨晚（27日）播出第3集，今集Alton可以「自肥」，節目組找來3位「女鐵騎」跟Alton見面並分享揸電單車心得，最後再由Alton選出其中一位女生一同出車。
Alton被問到對女生揸電單車有何看法？他說：「有型同性感。（同異性出車？）冇試過，喺節目度將我頭先所講嘅嘢做晒佢。」
Alton跟其中一位女鐵騎閒聊時，他問對方為何學揸電單車，該女生說：「學電單車好型、方便，唔使好似私家車搵停車場位，同埋最緊要省錢。」之後Alton口快快問：「咁你鍾唔鍾意拍呢啲『節目仔』呀？」在場的工作人員即反應極大說：「聽到晒！」自知說錯話的Alton即耍冧講sorry，並跟writer、導演及總導演擁抱謝罪，場面搞笑，Alton續說：「我意思係我平時講嘢會用乜仔乜仔去形容。」
