陶傑再評MIRROR走紅屬政治情感投射 歌曲未能深入民心 (15:33)

文章日期:2022年04月30日

身在英國的陶傑日前(27日)在其電台節目《光明頂》中分享他對人氣男團MIRROR的看法,他當時表示︰「MIRROR唔係唔好,你可以喺情感方面向佢投射,但12件咁嘅嘢呢,樣樣小鮮肉搓埋一團麵粉拉番出嚟,我唔覺得分得開邊個打邊個囉。你有啲人話分得開啫,我唔覺得係。所以呢啲係虛火嚟嘅,對唔住,你可以有一種咩傘後,或者2019年之後,你自己嗰種一廂情願的政治情感投射,但係MIRROR係救唔到香港嘅音樂工業同影視,對唔住,呢一行要真材實料,係要深度同內涵。」

陶傑昨晚主持《光明頂》時,笑言講完周三晚的那番言論後不敢回港,怕一現身香港機場就會被鏡粉即時扣留。他強調MIRROR當然是好,絕對有價值,但MIRROR走紅是多角度綜合社會問題,是歌迷政治情感的延伸和投射。他指80、90年代的香港音樂及影視不政治化,惟MIRROR一出世已帶住政治胎記,而且香港音樂及影視工業不單是一支樂隊或一個電視台,要講持續性,而且要百花齊放。

陶傑重申有MIRROR當然好過冇MIRROR,身為香港人當然很想MIRROR發揚光大,但也不要太亢奮。他說︰「我講來講去就是MIRROR那種走紅對香港電影、電視、音樂工業有沒有幫助,我認為幫助不大,因為整個形勢及氣氛不是70年代中至90年代中的香港娛樂工業生態環境。你們說他是歌手,歌星要有歌才可。你說MIRROR唱過哪幾首歌是全香港,不是只有他們的粉絲呀... 許冠傑當年唱的《打雀英雄傳》,就算沒聽過許冠傑情歌的人,在街邊豬肉的小販都覺得好正,呢個就叫『紅』﹗」至於內涵,他認為張國榮也曾經是小鮮肉,但經歷過起跌,梅艷芳一樣,在這方面是需要時間的。

(即時娛樂)

 

 

相關字詞﹕陶傑