ViuTV選美節目《肥美人》今晚（7日）舉行總決賽，8位肥美人包括翁芷園（Cherry）、陳婉儀（阿Bui）、蔡茵茵（肥肥茵）、陳曦雯（Heyman）、容承宜（容小姐）、劉子晴（呀肥）、何綺婷（綺夢）及丁珮筠（丁丁），甫開場先以女團「Cal8rie」唱出團歌《標準偏離》，炒熱全場氣氛。Cherry繼早前獲頒最上鏡小姐後，再下一城膺「民選最Like肥美人」。
評判團方面則有6位，包括阮小儀﹑張繼聰﹑許廷鏗﹑肥仔（梁業）﹑Rock Sir及CM，張繼聰寄語眾佳麗：「頭先睇完表演，我即刻驚一驚，因為個個都出眾，我覺得去到今晚，應該要享受演出，share及發放能量出嚟﹗」許廷鏗則說：「頭先Intro講得好好，其實重點唔係肥字，可能係個美字，唔會因為身形變成限制，想睇大家魅力，同埋本身喺身軀內嘅自在感，對我嚟講好重要。」
