無綫昨晚（8日）播出母親節特備節目《日日媽媽好》，2015年港姐的「友誼小姐」得主林凱恩（Iris），於節目中分享與媽媽的二三事。近年憑《愛‧回家之開心速遞》演傻氣乖乖女而成功入屋的Iris，現實生活中亦同樣乖巧孝順，與媽咪情同姊妹。原來她當年參選港姐，是為了幫媽咪圓夢：「我細細個已經覺得媽咪好靚，覺得佢後生時好有氣質。到我大個，就算我化咗妝，我企喺媽咪隔籬，啲人都係話我媽媽有氣質過我，媽媽同我講，佢有諗過選香港小姐，但佢奈何要做嘢；媽咪以前讀中學時，又玩體操，又玩美術，我覺得佢（選港姐）應該勝任過我好多，佢更適合入呢行。」
