ANSONBEAN拍廣告勁舞8小時 跳到內衣全濕 (17:29)

文章日期:2022年05月09日

陳毅燊(ANSONBEAN)早前獲邀接拍銀行廣告,廣告用了2天時間拍攝,ANSONBEAN在片場的虛擬綠幕前唱跳,客戶更為他度身訂做廣告歌,事前他做足準備,除了為歌曲錄音,在拍攝前2周密集式排舞。在拍攝當天,他一口氣跳足8小時,跳到內衣也濕透,不過ANSONBEAN毫無倦意,精力旺盛。

提到拍攝趣事,ANSONBEAN自認對於保持體能甚有心得,他說:「拍攝令我諗到做運動嘅重要性,因為疫情關係,之前拍廣告時,因為太耐冇做gym同跑步,個人血液唔循環,做嘢時候成日好似未瞓醒咁,但係今次拍廣告,我就『懶醒』咁喺拍嘢前去跑步,跑完步就好精神,感覺係一個衝擊,係好事嚟,一跑完之後,上鏡好似好精神!」

今次廣告要勁舞8小時,由於要穿上厚厚衛衣與外套,ANSONBEAN跳到內衣也濕透,不過能夠完成拍攝,他大感滿足,「練咗2個星期左右,拍嗰日好似冇乜嘢,因為我嗰朝做咗運動,有能量、狀態好!拍攝前一個星期都有做gym同跑步,仲有跳舞,個人狀態好好,如果我工作前一個星期前準備好,早啲瞓,咁就冇乜嘢」。

問到ANSONBEAN最新動向,他說:「即將會有新嘢畀大家睇!除咗音樂上嘅,拍戲都會同步,目前我最想嘅係拍動作戲,因為我唔鍾意講嘢,我鍾意郁動,想打交。」

(即時娛樂)