由視帝馬德鐘﹑陳煒﹑湯洛雯﹑何廣沛和賴慰玲等合演的《雙生陌生人》，開播首周收視低，只有13.5點（觀眾人數近88萬），有指無綫方面亦作出變動，翡翠台將於5月30日，會有特別新節目調動，《雙生》會由原本25集縮減至20集，25集的足本版於5月27日大結局後，安排在myTV SUPER播出。
男主角馬德鐘在劇中一人分飾兩角，花了不少心機演出，問他會否對今次變動感可惜和失望？他回覆《明報》時說：「失唔失望？人如飲水冷暖自知啦！至於收視低，人生就總有高低，不過套劇都未播完，唔能夠太早下定論㗎！我覺得公司有呢個安排，一定係好嘅安排嚟嘅，因為濃縮咗，令劇情更緊湊，唔知遲啲會唔會再剪到個電影版出嚟呢？」
馬德鐘覺得有緊湊版本也好，大家亦可透過網上看回足本版，他對這安排都幾有趣和創意：「如果我是觀眾，我一定會睇兩次，因為有2個版本，電視播的濃縮版，可以更快到肉，睇完然後再睇加長版，看看監製、導演在剪接上有何不同，又會有不同的感覺。」
相關新聞：《雙生陌生人》刪減5集提早大結局 湯洛雯表示唔失望
