李璨琛（Sam）和老婆梁志瑩的4歲囡囡李元元（Lucy）是張天賦（MC）的粉絲，這位4歲的「賦二代」（粉絲暱稱）今天（17日）在家收看偶像的MV，其間Lucy向老竇Sam說：「係MC唱㗎喎~你覺得MC靚唔靚仔吖？」
當時身在洗手間的Lucy媽禁不住偷笑，梁志瑩在Ig貼片並搞笑寫道：「仲要問個老豆覺得MC靚唔靚仔，你叫老豆情何以堪呢 #老母喺廁所聽到忍唔住偷笑咗一下 #當時老豆應該係心中淌淚甚至乎係淌血 #得啦全世界都知你覺得MC靚仔啦麻煩。」有網民搞笑留言：「求老豆心理陰影面積，點解老母要cut咗老豆嘅答案？」、「好想知李老豆點答Lu #女生外向」。
而MC將於6月11日在中環海濱活動空間的ARTAVERSE藝術舞台，首次舉行戶外現場音樂會，跟粉絲享受美好時光，不過MC在Ig留言兼連說4次「這不是演唱會！這不是演唱會！這不是演唱會！這不是演唱會！」
