陳敏之爆藝人萬歲要講輩分︰做𡃁嘅千祈唔好無啦啦萬歲 (18:02)

文章日期:2022年05月21日

陳敏之昨天在個人頻道上載新片爆圈中秘聞,解構藝人「萬歲」的行規。她說︰「劇集入面我哋係咁樣分,你千祈唔好無啦啦話『萬歲』,即係我哋呢啲做𡃁嘅,我哋自己會分,係一種尊重,唔係鬥叻,我諗係一個行規。」

敏之回憶當年拍攝《富貴門》時真的很富貴,羅嘉良、呂良偉、郭可盈、袁詠儀、戚美珍等人輪流「萬歲」,而且每次都請晒全廠的台前幕後,甚至是化妝間、服裝間的工作人員食嘢。她說︰「他們會叫助手去跑馬地的茶餐廳,買好好味的蛋撻或好正的咖啡奶茶,幾箱幾箱搬入來請大家食。」提到拍攝《溏心風暴3》,敏之讚關菊英與李司琪又是不停請大家食嘢,並指現在拍劇就是男、女主角輪住請,開工也幾開心。

她在劇集《黯夜守護者》中飾演火鍋店老闆,因此拍攝時不停打邊爐。她說︰「由開廠打到天光,食到頂唔順。江嘉敏應該有肥,其實她是有肉地、是Baby Fat、容易肥,所以她經常說我累死她。」敏之又自爆與李彩華均食量驚人,試過兩個人一餐叫了8碟餸,被單立文形容為「大食死女包」。

(即時娛樂)

相關字詞﹕陳敏之