日日媽媽聲|孫慧雪爆老公湊仔離譜事 甄采浠一日打3份工還父債 (17:25)

文章日期:2022年05月25日

由余安安、羅敏莊、陳凱琳主持的《日日媽媽聲》第二輯,昨晚(24日)播出第5集,請來孫慧雪(雪雪)、洪永城及甄采浠(前名甄詠珊)擔任嘉賓。

育有一子的靚媽雪雪透露,與老公湊仔方式大不同。她指老公是放任型爸爸,會覺得她太緊張小朋友,雪雪表示:「佢覺得男仔要man啲,出街唔好拖住,會搞到好似裙腳仔咁。」

雪雪更大爆老公離譜湊仔事件,她說:「老公帶囝囝去主題樂園玩,佢返到嚟好冇嘢咁話,頭先唔見咗個仔,我聽到就好擔心啦,點知佢話『男仔嚟㗎嘛,佢識自己返嚟搵我啦,依家咪喺度囉』!」

身為緊張型媽媽的雪雪則自爆烏龍事件,事緣囝囝2歲時曾試過當着她面前,將2元硬幣扮放入口,當時以為囝囝鯁親的雪雪,嚇到六神無主,她說:「我反應好大,嚇親佢,見到佢想喊,我更加覺得係鯁親,之後將佢成個倒轉係咁掃,諗住幫佢掃番出嚟,搞到佢塊面都變埋色,最後要call白車,佢上到車先識喊,佢以為媽媽傻咗!」

另一嘉賓甄采浠則與媽媽一起上節目。甄采浠透露爸爸因金融風暴導致破產,故她16歲時已開始工作幫忙還債,更試過一日打3份工。甄媽媽大讚女兒孝順:「佢幫手照顧家庭好生性,我身邊朋友都讚佢,有一次佢賣鞋,老闆唔出糧畀佢,我啲朋友幫佢討回公道攞番啲錢,嗰時我都有匿埋喊。」

提到甄采浠曾為性感組合Freeze成員,她坦言當時是為了生計:「舊老闆好好,會畀月薪我哋,起碼唔使擔心交租,啲新聞好唔好唔重要,最緊要可以生活。」

(即時娛樂)