日日媽媽聲|袁文傑牢記亡母教誨 遺憾母子合照不多 (16:27)

文章日期:2022年05月26日

由余安安、羅敏莊、陳凱琳主持的《日日媽媽聲》第二輯,餘下6集將安排於6月5日起、逢周日晚10時半緊貼《聲生不息》播出,原本周一至周三晚10時半檔期,將安排由梁芷珮主持的《東‧南歐潮什麼》接棒。

昨晚(25日)播出的第6集,請來薛家燕、伍文生及袁文傑擔任嘉賓。2018年袁媽媽因病離世,袁文傑傷心不已,與女友張潔蓮(Jackeline)的婚禮亦延期2年。袁文傑在節目中憶述媽媽離世情况時,還是忍不住數度哽咽。

原來袁媽媽離世當天,碰巧袁文傑要參與大型外景場口拍攝,但一心想陪袁媽媽「度過最後一段時間」的袁文傑,還是盡力與劇組協調,來回往返醫院及拍攝場地。可惜因袁媽媽情况反覆,最終袁文傑還是未能趕及見袁母最後一臉,他遺憾的說:「好記得再次趕去醫院,電梯門一打開,Jackeline坐喺張長櫈,同我講你唔使咁趕…」

袁文傑坦言全靠太太的陪伴,才能從喪母傷痛走出來,他說:「由媽媽走時開始,我冇崩潰過,只係感覺個心好似慢慢畀嘢刮緊,多得Jackeline喺我身邊,佢冇畀任何壓力我,我需要乜嘢,佢都盡量幫我。」

袁文傑在節目中亦分享了昔日與媽媽的相處點滴,他坦言之所以能夠在娛樂圈堅持下去,全靠媽媽的支持,以及無微不至的照顧:「無論我開工到幾夜,佢都會瞓住等我,煲番熱啲湯畀我飲。依家啲𡃁仔成日唔返屋企食飯,特別係唔飲嗰啖湯,遲啲就知味道。」

袁文傑又指遺憾沒有留下太多與媽媽的合照:「細個爸爸媽媽都要為口奔馳,邊有咁多閒情逸致買相機,去到近呢廿年環境開始好啲,但媽媽身體開始唔係咁好,睇番啲相見到佢都係比較憔悴。」袁文傑又指媽媽還影響了他的做人態度:「佢教我做嘢要公平,唔好太過計算,我一直有記住。」

(即時娛樂)